MediaArm.amԵրկու պակիստանցի զինվորական է զոհվել Աֆղանստանի հետ սահմանակից Հյուսիսային Վազիրիստան նահանգում՝ ինքնաշեն պայթուցիկ սարքի պայթելու հետեւանքով։ Այս մասին հայտնում է Dawn պարբերականը, վկայակոչելով Պակիստանի ՊՆ-ին։
Համաձայն հրապարակման, հատուկ ծառայությունները ականազերծման աշխատանքներ են իրականացրել Դոսսալի շրջանում, եւ այդ աշխատանքների ընթացքում է որոտացել պայթյունը։ Դեպքից հետո տեղում իրականացվել է հակաահաբեկչական գործողություն, որի արդյունքում լիկվիդացվել է տեղի անջատողական խմբավորումներից մեկի գրոհայինը։ Նշենք, որ այն բանից հետո, երբ Աֆղանստանում իշխանությունը զավթել են թալիբները, Պակիստանում ակտիվացել են տարատեսակ անջատողական խմբերը։
