MediaArm.am Թվում է, թե մարդիկ շատ ցա՞ծր են խոսում: Ընտանիքի անդամներն արդեն հոգնե՞լ են իրենց ասածը մի քանի անգամ կրկնելուց: Եթե այո, ապա պետք է ստուգել լսողությունը: Նմանատիպ դեպքերում կարող են օգնության հասնել լսողական սարքերը, որոնք օր օրի կատարելագործվում են:
Թեպետ լսողական սարքերը չեն վերականգնում լսողությունը, բայց կօգնեն միշտ մասնակից լինել Ձեր շուրջ ծավալվող զրույցներին և լսել այն հնչյունները, որոնք նախկինում դժվարությամբ էիք լսել:
Ինչպե՞ս է ազդում լսողության կորուստը Ձեզ վրա:
Եթե լսողության կորուստը ժամանակին չկանխարգելվի, կարող են առաջանալ լուրջ բժշկական և հոգեբանական խնդիրներ: Հետազոտությունները ցույց են տվել, որ լսողության կրճատումը կարող է կապված լինել կոգնիտիվ անկման հետ: Լսողության կորստ ունեցողների մոտ սովորաբար նկատվում է նաև խնդիրներ՝ կապված տարածական կողմնորոշման հետ, որն էլ իր հերթին մեծացնում է մարդու ընկնելու ռիսկը: Վտանգ կա նաև, որ մարդ դժվարությամբ կարող է գիտակցել՝ ինչ է կատարվում իր շուրջը:
Եթե Դուք լսողական խնդիրներ ունեք և մեքենա եք վարում, չեք լսի ոստիկանության կամ շտապ օգնության ազդանշանները: Նույն սկզբունքով էլ քայլելիս չեք նկատի՝ ինչպես է ինչ որ մեկը վազում կամ հեծանիվ քշում Ձեր հետևից:
Լսողական խնդիրներ ունեցողներից շատերը խուսափում են սոցիալական ակտիվությունից: Բայց Դուք չպետք է հենց այնպես դադարեք զբաղվել այն ամենով, ինչը Ձեզ հաճույք է պատճառում:
Եթե դադարեցնեք Ձեր սոցիալական ակտիվությունը, կարող եք մեկուսանալ հասարակությունից, որն իր հերթին կդառնա դեպրեսիայի պատճառ: Լսողական սարքերից օգտվելով՝ կշարունակեք հաղորդակցվել ընտանիքի, ընկերների և գործընկերների հետ ու չեք զրկի Ձեզ սոցիալական ակտիվ կյանք վարելու հաճույքից:
Ահա այն հինգ նախազգուշացումները, որոնցից տառապում են լսողական խնդիրներ ունեցողները.
Հաճախ մտածում եք, թե մարդիկ ծաղրում են
Հաճախ եք լարվում՝ դիմացինին լսելու համար
Մարդկանց խնդրում եք կրկնել իրենց ասածը, հատկապես երբ գտնվում եք աղմկոտ վայրերում
Հեռուստացույցի կամ ռադիոյի ձայնն այնքան եք բարձրացնում, որ անհարմարություն եք պատճառում սենյակում գտնվող անձանց
Լսելու հետ կապված դժվարություններ եք ունենում կինոթատրոնում, թատրոնում և այլ հասարակական վայրերում:
Եթե բախվել եք վերը նշված խնդիրներից որևէ մեկին, ապա պետք է ստուգվեք բժշկի մոտ: Եթե լսողական սարքի կարիք ունեք, բժիշկը կօգնի ընտրել Ձեզ լավագույնս համապատասխանող սարքը: