MediaArm.am Կաթնաշոռը շատ դիետաների հիմնական բաղադրիչներից է: Այն չափազանց օգտակար մթերք է և հենց այդ պատճառով էլ բժիշկները հաճախ խորհուրդ են տալիս հնրավարինս շատ կաթնաշոռ ուտել: Սակայն երբեմն դրա օգտակարության մասին կարծիքը խիստ չափազանցված է լինում:
Ձեր ուշադրությանն ենք ներկայացնում կաթնաշոռի մասին որոշ փաստեր ու «միֆեր»:
Կաթնաշոռը սպիտակուցի հիանալի աղբյուր է
ՃԻՇՏ Է. կաթնաշոռն անվանվում է «սպիտակ ոսկի»: Նրա բաղադրությունն իսկապես բացառիկ է: Այն սպիտակուցների շատ կարևոր աղբյուր է և միևնույն ժամանակ ունի համենատաբար ցածր կալորիականություն: Նրա մեջ պարունակվող կազեինը շատ օգտակար ու կարևոր տարր է՝ լյարդի բջիջները պաշտպանելու համար: Բացի այդ, այն նաև ազդում է մարդու աճի վրա և նպաստում գլխուղեղի ակտիվացմանը:
Փափուկ կաթնաշոռը պինդից տարբերվում է միայն ջրի քանակությամբ
ՍՈՒՏ Է. թանձրությունը կախված է կաթնաշոռի այս կամ այն տեսակից: Պինդ կաթնաշոռը ստացվում է թթվեցրած կաթից, որը պարունակում է կաթնաթթու, իսկ փափուկի պատրաստման ընթացքում օգտագործում են շրդանային մակարդ, ուստի այն լինում է «հեղուկ» վիճակի:
Արագ նիհարելու համար հարկավոր է ուտել միայն անյուղ կաթնաշոռ
ՍՈՒՏ Է. դիետան միայն ավելորդ կիլոգրամներից ազատվելը չէ: Այն ենթադրում է առողջ ապրելակերպ և լիարժեք սնունդ՝ հագեցած բոլոր անհրաժեշտ նյութերով: Միայն կաթնաշոռ ուտելով՝ մարդը չի ստանա անհրաժեշտ բոլոր հանքանյութերը, ածխաջրերն ու ճարպերը, ուստի ավելորդ կիլոգրամների հետ մեկտեղ, կկորցնի նաև առողջությունը:
Որքան երկար է կաթնաշոռի պահպանման ժամկետը, այնքան անորակ է այն
ՃԻՇՏ Է. այսօր խանութներում կարելի է գտնել բավական երկար պահպանման ժամկետով կաթնաշոռ, սակայն նման հնարավորության համար կաթնաշոռը բավական երկար ժամանակ ենթարկվում է ջերմային մշակման: Կաթնաշոռը, ինչպես և ցանկացած այլ կաթնամթերք, օգտակար բակտերիաներով հարուստ կենդանի մթերք է և բարձր ջերմաստիճանում կորցնում է այդ օգտակար հատկությունները:
Կաթնաշոռի տուփից հոսող հեղուկը դրա փչանալու արդյունքն է
ՍՈՒՏ Է. այդ հեղուկը շիճուկն է, որի առաջացումը բնական գործընթաց է: Այն հարուստ է սպիտակուցներով, որոնք պարունակում են հիմնական ամինաթթուներ, ինչպիսիք են ֆոլաթթուն և պանտոթենիկ թթուն: Բացի այդ, այն հարուստ է նաև B1, B2, B6, B12, E և C վիտամիններով, ֆոսֆորով, կալցիումով, կալիումով, նատրիումով և ցինկով: Շիճուկը շատ օգտակար է, ուստի այն կարելի է խմել, կամ պարզապես խառնել կաթնաշոռին:
Տարրայով կաթնաշոռը ավելի լավն է, քան փայլաթիթեղովը
ՍՈՒՏ Է. կաթնաշոռի որակը կախված է նրա պարունակած ճարպերից ու արտադրման ձևից և բացարձակապես կապ չունի, թե ինչպես է այն փաթեթավորված: Կաթնաշոռի փաթեթավորմանը հարկավոր է ուշադրություն դարձնել միայն այն դեպքում, երբ անհրաժեշտ է պինդ կաթնաշոռ, ուստի պետք է ընտրել համապատասխան փաթեթավորմամբ:
Կաթնաշոռը շատ հարմար է ընթրիքի փոխարեն օգտագործելու համար
ՃԻՇՏ Է. ընթրիքը պետք է լինի սպիտակուցներով հարուստ և չպարունակի շատ ածխաջրեր: Այս առումով կաթնաշոռը ամենահարմար տարբերակներից է: Այն հագեցնում է օրգանիզմը, շատ հեշտ մարսվում է և յուրացվում: Սա շատ կարևոր է, քանի որ այս դեպքում սնունդը չի մնում ստամոքսում և չի փտում ամբողջ գիշեր՝ սպասելով, թե երբ մարդը կարթնանա և մարսողական համակարգը կրկին կսկսի գործել:
Կաթնաշոռը կալցիումի հիանալի աղբյուր է
ՃԻՇՏ Է. կաթնամթերքը, հատկապես՝ պանիրն ու կաթնաշոռը, անչափ հարուստ են կալցիումով; Բացի այդ, նրանք գրեթե չեն պարունակում նյութեր, որոնք խանգարում են կալցիումի յուրացմանը: Ընդհակառակը՝ նրանց բաղադրության մեջ կա լակտոզա և որոշ ամինաթթուներ, որոնք ավելի են բարձրացնում կալցիումի օգտակարությունը: Սա է պատճառը, որ կաթնաշոռն անհրաժեշտ է ներառել սննդակարգի մեջ: Այն հատկապես օգտակար է երեխաների, մարզիկների, ինչպես նաև օստեոպորզի առաջացման վտանգի տակ գտնվող կանանց համար:
Նյութի աղբյուրը՝ gogetnews.info
