MediaArm.am Ճապոնիայի արևմուտքում հորդառատ անձրևների պատճառով ավելի քան 400 հազար քաղաքացիների ուժեղ խորհուրդ են տվել տարհանվել: Այս մասին հայտնում է Tass գործակալությունը։
Առնվազն 240 հազար մարդու համար իշխանությունները հայտարարել են վտանգի ամենաբարձր մակարդակ, որը ենթադրում է հրատապ տարհանում:
Ճապոնացի օդերևութաբանների տվյալներով՝ տվյալ տարածաշրջանում մի քանի օրվա ընթացքում ավելի քան 450 մմ տեղումներ են եկել:
Կան գետերի հեղեղումների ու սողանքների վտանգներ: Տեղումների հետևանքով Ճապոնիայի կենտրոնական հատվածում մահացել է 9 մնարդ, 20 մարդ անհետ կորած է համարվում: Վնաս է հասցվել 120 տների ու կառույցների։