MediaArm.am Վահանագեղձը հասուն մարդու ամենամեծ ներզատիչ գեղձն է, որը պատասխանատու է յոդ պարունակող հորմոնների (թիրոքսին (T4), եռյոդթիրոնին (T3)) արտադրության համար, որոնք մասնակցում են օրգանիզմում նյութերի և էներգիայիփոխանակության կարգավորմանը:
Վերջինիս աշխատանքի խանգարման դեպքում գեղձը կամ դառնում է գերակտիվ ու արտադրում է չափից շատ հորմոնների, կամ ընդհակառակը՝ այն աշխատում է շատ վատ ու օրգանիզմում առաջանում է վերջիններիս դեֆիցիտ:
Վահանագեղձի հետ կապված խնդիրները հիվանդութան առաջացման վաղ շրջանում հայտնաբերելու համար ստուգեք հետևյալ ախտանշանների առկայությանը:
Հիվանդություններից առավել հաճախ հանդիպում են բորբոքումները, ուռուցքները, վնասվածքները, բնածին արատները, որոնք կարող են ուղեկցվել վահանագեղձի մեծացմամբ (խպիպ կամ զոբ) և ֆունկցիայի խանգարումներով՝ հորմոնային նյութերի առաջացման նվազմամբ (հիպոթիրեոզ, Լորձայտուց) կամ ավելացմամբ ։
Ախտանիշ №1.տխրություն կամ դեպրեսիա
Մայոյի կլինիկայում պարզել են, որ վահանագեղձը ազդում է մարդու տրամադրության վրա: Եթե այն արտադրում է քիչ հորմոն, ուրեմն գլխուղեղում սերոտոնինի մակարդակը կտրուկ կերպով նվազում է, որի դեպքում էլ մարդու մոտ առաջանում է անտարբերություն ու դեպրեսիա:
Իսկ եթե գեղձը շատ ակտիվ է, ապա դա կարող է դառնալ անհանգստության, տագնապի, գրգռվածության պատճառ:
Ախտանիշ №2. Փորկապություն
Փորկապությունը ևս կարող է առաջանալ վահանագեղձի աշխատանքի խանգարման արդյունքում, քանի որ այդ հորմոնի արտազատման ցանկացած խախտում հանգեցնում է մարսողության դանդաղեցման: Դա հիպոթիրեոզի ամենատարածված 3 ախտանշաններից մեկն է:
Ախտանիշ №3.Քնկոտություն
Չափից շատ քնելը ևս վահանագեղձի հետ կապված խանգարումների մասին է խոսում: Խնդիրը կայանում է նրանում, որ երբ գեղձը բավարար ակտիվ չի լինում, այդ ժամանակ մարդու նյութափոխանակությունը դանդաղում է, որն էլ և մարդու մոտ առաջացնում է անընդհատ քնելու ցանկություն:
Ախտանիշ №4.Մազաթափություն ու մաշկի չորություն
Մաշկի վրա հաճախակի քորի առաջացումը (ոչ միայն ձմռանը) կարող է լինել հիպոթիրեոզի ախտանշան:Դա տեղի է ունենում նյութափոխանակության դանդաղեցման պատճառով, որն էլ իր հերթին նվազեցնում է քրտնարտադրությունը:Այդ ընթացքում մազերն ու եղունգները կարող են դառնալ չոր ու դյուրաբեկ: Մազերը կարող են թափվել:Եվ հիմնական պատճառը կրկին վահանագեղձի կողմից արտադրվող հորմոնի դեֆիցիտն է, որը հանգեցնում է մազերի աճի ցիկլի խանգարման:
Ախտանիշ №5.Քաշի հանկարծակի ավելացում
Ինչպես գիտենք, այս խնդրի առաջացումը կարող է պայմանավորված լինել մի շարք պատճառներով, սակայն առանց որևէ պատճառի քաշի հանկարծակի ավելացումը կարող է պայմանավորված լինել վահանագեղձի աշխատանքի խանգարումների հետ:
Այդ պատճառով, եթե ձեզ մոտ չի նկատվել սննդակարգի, ֆիզիկական ակտիվության փոփոխություն, սակայն նկատվում է կիլոգրամների կտրուկ ավելացում, ուրեմն ժամանակն է, որ դիմեք բժշկին:
Ախտանիշ №6.Սեռական ցանկության բացակայություն
Health.com. տեղեկացնում է, որ եթե վահանագեղձն արտադրում է շատ քիչ քանակությամբ հորմոն, այդ դեպքում օրգանիզմը սկսվում է ցածր լիբիդոյի ռեժիմով աշխատել:
Ախտանիշ №7.Մկանային ցավեր
Վերջույթներում շարունակական թմրածության զգացողությունը, մկանային ցավերը, ձեռքերի և ոտքերի հոդացավերը ևս խոսում են վահանագեղձի աշխատանքի խանգարման մասին:
Հրմոնի դեֆիցիտը, որը արտադրվում է վահանագեղձի կողմից, հանգեցնում է նյարդերի վնասման, որոնք ազդանշան են ուղարկում ուղեղից մարմնի մնացած մասերին: Մասնագետները նշում են, որ եթե ձեզ մոտ օրգանիզմում առաջացել են անբացատրելի ծակծկոցներ ուրեմն հարկավոր է շտապ դիմել բժշկի:
Ախտանիշ №8.Դուք հաճախակի եք լսում ձեր սրտի բաբախումները
Մասնագետները նշում են, որ առանց որևէ հստակ պատճառի պարբերաբար ուժեղ սրտխփոցի զգացողության առաջացումը ևս խոսում է վահանագեղձի հետ կապված խնդիրների զարգացման մասին: Հատկապես եթե զարկերակի բաբախումը նկատվում է ոչ թե սրտի, այլ պարանոցի և դաստակի շրջանում: Դա հավանաբար խոսում է այն մասին, որ վահանագեղձը աշխատում է շատ ակտիվ:
Ախտանիշ №9.Գիտակցության մթագնում
Մասնագետները նշում են, որ 40 տարեկանից հետո, մարդու մոտ կարող են առաջանալ գիտակցության հետ կապված որոշ «անճշտություններ»:Սակայն եթե նկատում եք, որ նման վիճակները հաճախակի են կրկնվում, դա արդեն անհանգստացնող է, քանի որ վահանագեղձի չափից շատ ակտիվությունը հանգեցնում է նրան, որ մարդը սկսում է դժվարությամբ կենտրոնանալ ու մտապահել տեղեկատվությունը: Այդ պատճառով մոռացկոտությունը ևս մեկ ախտանշան է, որը չի կարելի անտեսել:
Ախտանիշ №10.բարձր զարկերակային ճնշում
Եթե դուք տառապում եք զարկերակային բարձր ճնշմաբ, բայց միաժամանկ ձեզ մոտ սրտի և մնացած այլ օրգանների հետ կապված խնդիրներ չկան, ուրմն ձեզ հարկավոր է ստուգել վահանագեղձի աշխատանքը: Վահանագեղձի կողմից արտադրվող հորմոնի քիչ քանակությունը օրգանիզմում հանգեցնում է նրան, որ օրգանիզմում կտրուկ աճում է «վատ» խոլեստերինի մակարդակը, որն էլ և շատ արագ կարող է հանգեցնել սրտային անբավարարության:
Ախտանիշ №11.Ախորժակի մեծացում
Վահանագեղձի աշխատանքում տեղի ունեցող փոփոխությունները գրեթե միշտ հանգեցնում են համի և հոտի զգացողության փոփոխության:Մասնագետները նշում են, որ անդադար ուտելը հիպերթիրեոզի նշան է:
Ախտանիշ №12 պարանոցի և կոկորդի շրջանում դիսկոնֆորտի առաջացում
Ինչպես գիտեք, վահանագեղձը գտնվում է կոկորդում: Այդ պատճառով, եթե այդ հատվածում ձեզ մոտ նկատվում են ցավեր կամ դիսկոնֆորտ, հարկավոր է անմիջապես դիմել բժշկի: Եթե ձեզ մոտ այնպիսի զգացողություն է առաջացել, որ «կոկորդում ինչ որ բան է կանգանած» և եթե այդ զգացողությունը չի անցնում երկար ժամանակ, այդ դեպքում ևս հարկավոր է դիմել մասնագետի:
Վահանգեղձի հետ կապված խնդիրների առկայության մասին խոսում է նաև պարանոցի այդ հատվածում այտուցվածության առկայությունը:
Գոյություն ունի ևս մեկ միջոց, որի օգնությամբ կարող եք տնային պայմաններում ախտորոշել այդ օրգանի հետ կապված խնդիրների առկայությունը:
Գլուխը ետ տարեք, վերցրեք 1 բաժակ ջուր ու մի կում կուլ տվեք: Այդ ընթացքում ուշադիր հայելու մեջ նայեք ձեր պարանոցին, համոզվեք որ ջուրը կուլ տալու ընթացքում պարանոցի վրա չի հայտնվում ոչ մի անսովոր ուռուցիկություն: Իսկ եթե նրանք կան(չմոռանաք որ այդ հ
