«Ինտերի» կիսապաշտպան Հենրիիխ Մխիթարյանը անդրադարձել է միլանյան թիմի ֆուտբոլիստ Միլան Շկրինյարի՝ ՊՍԺ տեղափոխվելու որոշմանը։
«Տխուր եմ, որ Շկրինյարը ՊՍԺ է տեղափոխվում, բայց պետք է ընդունեմ նրա ընտրությունը։ Խոսքը նրա կարիերայի մասին է, և նա է պատասխանատվություն կրում իր ընտրության համար։ Շնորհակալ եմ նրան, որ խաղացել է ինձ հետ այս 6 ամիսների ընթացքում և կխաղա մնացած 5-ի ընթացքում»,- DAZN-ի փոխանցմամբ՝ ասել է Մխիթարյանը։
Շկրինյարը ՊՍԺ տեղափոխվելու պայմանագիր է կնքել, բայց ակումբներին չի հաջողվել համաձայնության գալ խաղացողի՝ ձմեռային տրանսֆերային պատուհանի ժամանակ տեղափոխության հարցում։
Նա մրցաշրջանը կավարտի միլանյան թիմում։
