«Հանրային հեռուստաընկերությունը վաղուց հանրային չէ։
Եթե մեր մարզիկներին իրենց ելույթների ժամանակ չպիտի ցույց տաք, էլ ինչի՞ համար եք դուք»,- ֆեյսբուքյան իր էջում գրել է Երևանի ավագանու «Մայր Հայաստան» խմբակցության անդամ Աննա Ավետիսյանը՝ նկատի ունենալով ըմբշամարտիկներ Արթուր Ալեքսանյանի և Մալխաս Ամոյանի ելույթները։ Համացանցում շատերն են այս առիթով հայտնել իրենց դժգոհությունը։
Արձագանքելով՝ «Առաջին ալիք»-ը ֆեյսբուքյան էջում հայտնել է. «Հարգելի՛ հեռուստադիտողներ, տեղեկացնում ենք, որ Առաջին ալիքն Օլիմպիական խաղերի ուղիղ եթերի ազդանշան ստանում է բացառապես ըմբշամարտի հիմնական գորգից, որտեղ տեղի են ունենում կիսաեզրափակիչ և եզրափակիչ գոտեմարտերը:
Իսկ մեր ըմբիշներ Արթուր Ալեքսանյանի և Մալխաս Ամոյանի գոտեմարտերը 1/8 եզրափակիչում տեղի են ունեցել ոչ հիմնական գորգում և այդ իսկ պատճառով չեն հեռարձակվել ուղիղ եթերում:
Հաջողություն ենք մաղթում մեր մարզիկներին, որոնց կիսաեզրափակիչ և եզրափակիչ փուլերի ելույթները կլինեն Առաջինի ուղիղ եթերում»:
