Արգենտինայի հավաքականի դարպասապահ Էմիլիանո Մարտինեսը «լռության րոպե» է հայտարարել ֆրանսիացի հարձակվող Կիլիան Մբապեի պատվին՝ աշխարհի առաջնությունում հաղթանակը տոնելու ժամանակ։ Այս մասին հայտնում է RMC Sport-ը։
Արգենտինացիները հաղթանակը տոնել են հանդերձարանում՝ երգ ու պարով։ Ֆուտբոլիստներից ոմանք իրենց սոցցանցերում ուղիղ եթերով հեռարձակել են տեղի ունեցողը։ Նրանք միաձայն գոռացել են «լռության րոպե» բառերը։ Այդ պահին Մարտինեսը բղավել է, որ դա նվիրված է Կիլիան Մբապեին։
Կիլիան Մբապեն ճանաչվեց Կատարում կայացած ֆուտբոլի աշխարհի առաջնության լավագույն ռմբարկու։ Ֆրանսիացին յոթ խաղում դարձել է ութ գոլի հեղինակ (երկուսը 11 մետրանոցներից)։ 23-ամյա հարձակվողը կատարել է նաև երկու գոլային փոխանցում։ Նա հեթ-տրիկի հեղինակ դարձավ Արգենտինայի դեմ աշխարհի առաջնության եզրափակիչ խաղում։ Նրա կողմից երկու գոլ խփվեց 11 մետրանոցից։
Երեկ՝ դեկտեմբերի 18-ին, Արգենտինայի հավաքականը հաղթեց Ֆրանսիային և դարձավ աշխարհի նոր չեմպիոն՝ իր պատմության մեջ երրորդ անգամ։