MediaArm.am Բրիտանուհի Բեթի Սփիրը, ով նշել է իր 108 -ամյակը, բացահայտել է երկարակեցության պարզ գաղտնիքները, գրում է Metro- ն:
Նախկին բուժքույրը ծնվել է 1913 թվականին Իռլանդիայում: Կնոջ խոսքով՝ իր երկարակեցության գաղտնիքը քրտնաջան աշխատանքն է և «շաբաթական մեկ անգամ մեկ բաժակ վիսկին»: Բացի այդ, նա միշտ վարել է ակտիվ կենսակերպ և խմել լավ թրմված թեյ:
Սփիրը կորոնավիրուսային համավարակը չի համարում դարի ամենավատ իրադարձությունը: «Առաջին համաշխարհային պատերազմն ամենասարսափելի ժամանակն էր, COVID-19- ը դրա համեմատ ոչինչ է»,-ավելացրել է նա:
Իր ամբողջ կյանքի ընթացքում Բեթի Սփիրը պարել է իռլանդական ջիգա (ազգային պար): Նա աշխատանքից դուրս է եկել 90 տարեկանում և համեմատաբար վերջերս թողել է ծխելը: Երկու տարի առաջ կինն ընկեկ և կոտրել է ազդրը: Մինչև մոտ 104 տարեկան նա ինքն է կատարել առօրյա բոլոր պարտականությունները և օգնության չի դիմել:
«Նա անցել է պատերազմների միջով և միշտ պայքարում է: Ես շատ հպարտ եմ, որ նա իմ տատիկն եմ»,-ասել է կնոջ 50-ամյա թոռնուհին՝ Ջեյն Ուելչը: Տարեց բրիտանուհուն 108 -ամյակի առթիվ շնորհավորել է նաև Եղիսաբեթ Երկրորդ թագուհին:
