MediaArm.am Starnews-ն արդեն տեղեկացրել է, որ սկանդալային ասմունքող Լիանա Զուրաբյանը գաղտնի ամուսնացել է: Իրենց միության 1-ամյակի կապակցությամբ Լիանան և սիրելին պսակադրվել էին:
Օրերս Լիանան հարցազրույց է տվել և պատմել է, թե ինչու չէր բացահայտում իր ընտրյալին: Ըստ ասմունքողի՝ իր սիրելին հանրային մարդ չէ և չի սիրում ուշադրության կենտրոնում լինել: Լիանայի խոսքով՝ ինքն էլ հնազանդ կին է դարձել:
«Արմանը չի սիրում հանրային բաներ, չի սիրում, երբ խոսում եմ մեր սիրո մասին: Տանկին եմ դարձել կերակուր եմ պատրաստում նրա համար, զբաղված եմ»:
Լիանան նշել է, որ Արմանը դիզայներ է, ով աշխատում է շինարարության ոլորտում: Ըստ Լիանայի՝ Արմանն ասմունք շատ է սիրում, հատկապես՝ շատ է սիրում իր կատարած աշխատանքը:
«Արմանը դեռ 2008-ից ինձ գիտի, ռադիոյով լսում էր ինձ: Նույնիսկ մեկ անգամ փրկել եմ իր կյանքը: Պետք է ընկերներով տեղ գնային, իսկ ինքը նախընտրել էր չգնալ և լսել իմ ռադիոհաղորդումը, որում ասմունքում էի: Արմանը չէր միացել ընկերներին, իսկ ընկերները գնացել և վթարի էին ենթարկվել, բոլորը զոհվել էին: Այդ դեպքից հետո Արմանը եկել էր ռադիո՝ ինձ հանդիպելու, որպեսզի տեսնի ինձ, սակայն մեր հանդիպումը չէր ստացվել: Հանդիպել էինք միայն տարիներ անց:
Լիանայի խոստովանությամբ՝ իր որդին հրաշալի հարաբերություններ ունի Արմանի հետ, իսկ որոշում կայացնելուց առաջ չէր կարող չմտածել որդու մասին, քանի որ իր սիրտը կարող են կոտրել, սակայն որդու դեպքում չի կարող թույլ տալ դա: