MediaArm.am Այսօրվա դրությամբ՝ գտնվելու վայրն անհայտ 243 անձ կա։ Այս մասին հայտարարեց Նիկոլ Փաշինյանը՝ անդրադառնալով պատերազմում անհայտ կորած անձանց թվին։
Վերջինս հայտարարեց, թե այդ թիվը կարող է նաև փոխված լինել, քանի որ պարբերաբար աշխատանքներ են իրականացվում։
«Արցախյան առաջին պատերազմից 200-ին մոտ մարդ ունենք, որոնց գտնվելու վայրը մինչև այսօր չի պարզվել, նրանք շարունակում են համարվել անհետ կորած։ Արվում է ամեն հնարավորը։
Գործնականում ՀՀ որևէ ներկայացուցիչ որևէ միջազգային հանդիպում չի ունենում, որտեղ առանցքում չլինի գերիների և անհետ կորածների թեման, ընդ որում՝ խորհրդարանական հարթակներից սկսած, կառավարության հարթակներով ավարտած »,- նշեց Փաշինյանը՝ հավելելով, թե արվող աշխատանքներն այն թեման չէ, որը պետք է քննարկել. «Գոհացուցիչ է արդյո՞ք՝ ոչ, քանի դեռ բոլորը վերադարձած չեն»։
Աղբյուր` Փաստինֆո