Այսօր հայտնի դարձավ, որ ՀՀ ՊՆ նախկին նախարար Վաղարշակ Հարությունյանը նշանակվել է ՌԴ-ում ՀՀ արտակարգ և լիազոր դեսպան։ Այս մասին հրամանագիր է ստորագրել ՀՀ նախագահը։ Մեկ այլ հրամանագրով Վարդան Տողանյանը հետ է կանչվել Ռուսաստանի Դաշնությունում ՀՀ արտակարգ և լիազոր դեսպանի պաշտոնից:
Արդեն նախկին դեսպան Վարդան Տողանյանն ամսական ստացել է 4236 դոլար աշխատավարձ, բայց չնայած սրան՝ նա հասցրել է բավականին լուրջ ունեցվածք կուտակել:
ArmLur.am_ին հայտնի դարձավ, որ դեսպանը Երեւանի կենտրոնում ունի մեկ բնակարան, մեկ ավտոկայանատեղի եւ 3 բնակարան ունի Մոսկվայում: Դեսպանի ունեցած շարժական գույքը 2016 թվականի արտադրության Mercedes-Benz մակնիշի ավտոմեքենան է, որը գնվել է 2018 թվականին: Տողանյանը 4 ընկերությունում բաժնեմաս ունի. դրանից մեկում՝ 15 տոկոս, երկրորդում՝ 33.34 տոկոս, իսկ ահա վերջին երկուսում՝ 100 տոկոս:
Նախորդ տարեվերջին բանկում ունեցած Տողանյանի ավանդը կազմել է 100 հազար դոլար եւ 1 մլն 500 հազար դոլար: Միլիոնատեր Տողանյանն ունի նաեւ 8 մլն դրամը գերազանցող գույք՝ նկարներ, ձեռքի ժամացույց, որոնք նվեր, ժառանգություն է ստացել կամ էլ գնել է: Օրինակ, նրա ձեռքի ժամացույցներից մեկը 2001 թվականին է ձեռք բերվել․ այն արժե 20 հազար դոլար Իսկ նկարներից մեկն էլ 35 հազար դոլար է, մյուսը՝ 30000 դոլար:
Աջից Մերի Տողանյան
Բանկային հաշիվներին անցած տարեվերջին Տողանյանն ունեցել է 1500 ֆունտ ստեռլինգ, իսկ տարեսկզբին նա ունեցել է նաեւ 4 մլն 500 հազար դոլար: Կանխիկ գումար դեսպանի մոտ նախորդ տարում եղել է 3 մլն 400 հազար դոլար եւ 1.5 մլն դրամ:
Տողանյանի եկամուտի մի հատվածը գոյացել է իր սեփական աշխատավարձից, որը ընդհանուր կազմել է 50 հազար 832 դոլար: Բացի այս, նա 30 հազար դոլար վարձակալության դիմաց վճար է ստացել, տրված փոխառության դիմաց ստացված տոկոսն էլ կազմել է 16 հազար դոլար: Ավելին, դեսպանը Ռադիօընկերության խմբագրություն ՓԲԸ –ից շահաբաժին է ստացել՝ 9 մլն 890 հազար 706 դրամ:
ArmLur.am-ը տեղեկացավ, որ նախկին դեսպանի կինը՝ Մերի Տողանյանը եւս ոչ պակաս ունեցվածքի տեր է: Նա Մոսկվայում 3 ավտոկայանատեղի ունի եւ մեկ բնակարան՝ Լոնդոնում, որոնց միանձնյա սեփականատերն է:
Մեկ ավտոմեքենա ունի՝ «Toyota» մակնիշի 2012 թվականի արտադրության: Մերի Տողանյանը մեկ ընկերության 100 տոկոս բաժնետեր է: Դեսպանի կինը հայտարարգրել է, որ ունի 30000 դոլարանոց մեկ մանյակ, 2 մատանի, որոնց արժեքը նշված չէ, նաեւ՝ 15 000 դոլարանոց ձեռքի ժամացույցը եւ 25 000 դոլարանոց ականջօղեր: Կանխիկ դրամը կազմել է 2 մլն 200 հազար ռուսական ռուբլի: Նախկին դեսպանի կինը վարձակալության դիմաց վճար է ստացել նախորդ տարում, որը կազմել է 34 հազար ֆունտ ստեռլինգ: Այն վճարել է «Capital Estate