37-ամյա հայտնի բլոգեր Ջեսիկա Ալվեսը բազմաթիվ վիրահատություններից հետո վերջապես կարող է հպարտանալ իր մարմնով: Վերջին` որովայնի վրա կատարված վիրահատությունը հանգեցրեց նրան, որ բլոգերը կորցրեց 25 կիլոգրամ և այժմ նա չի հապաղում ցույց տալ իր մարմինը սոցիալական ցանցերում: Այժմ Ջեսիկան, արձագանքելով իր երկրպագուների խնդրանքներին, համացանցում ցուցադրում է վիրահատությունների արդյունքները, գրում է Daily Mail-ը:
«Մարդկանց շատ հետաքրքիր է տեսնել, թե ինչ տեսք ունի իմ մարմինը բոլոր վիրահատություններից հետո: Ուստի ես որոշեցի այս քայլին դիմել միայն նման խնդրանքով ամբողջ աշխարհից ինձ դիմած իմ երկրպագուների նամակների և հաղորդագրությունների ահռելի քանակի պատճառով: Ես նույնիսկ ժամանակ չունեմ պատասխանելու դրանց: Պարզվեց, որ շատերը կցանկանային ինձ տեսնել առանց հագուստի, և ես հասկացա, որ առիթը բաց եմ թողնում»,- ասել է Ալվեսը:
Բլոգերն օգտահաշիվ է բացել OnlyFans 18+ հարթակում, որտեղ մոդելները կիսվում են իրենց անկեղծ լուսանկարներով` վճարովի բաժանորդագրության դիմաց: Ջեսիկան մեկ ամսվա համար պահանջում է ընդամենը 20 դոլար, բայց այս գումարի համար, նրա խոսքով, երկրպագուները հնարավորություն կունենան տեսակապի միջոցով զրուցել իր հետ: Այս կերպ մոդելը նախատեսել է գտնել սիրեցյալի:
Ջեսիկայի նախկին հարաբերությունների մասին ոչինչ հայտնի չէ: Նա նախկինում ապրում էր Բրազիլիայում, որտեղ դժգոհ էր իր արտաքին տեսքից: 19 տարեկան հասակում Մեծ Բրիտանիա տեղափոխվելուց հետո նա մի շարք վիրահատությունների է ենթարկվել. 10 ռինոպլաստիկա, կողերի հեռացում, տարբեր ներարկումներ: Եվ այժմ տրանսգենդեր կինը մեծացրել է կուրծքն ու հետույքը: Չնայած հիմա, նրա կարծիքով, ինքը հոյակապ տեսք ունի, սակայն պլաստիկ վիրահատության նկատմամբ նրա մոլուցքը համարյա տխուր վերջաբան էր ունենալու. մի անգամ պոկվել է նրա քիթը, և կաթվածահար են եղել ձեռքերը:
