MediaArm.am Այսօր՝ սեպտեմբերի 13-ին, ավտովթար է տեղի ունեցել Արագածոտնի մարզում: Ժամը 12:30-ի սահմաններում Աշտարակ քաղաքի Երևանյան փողոցի թիվ 9 հասցեի դիմաց բախվել են Արագածոտնի մարզի բնակիչ, 21-ամյա Համլետ Թումանյանի վարած Opel մակնիշի և Երևանի բնակիչ, 28-ամյա Հռիփսիմե Փիլիփոսյանի վարած BMW մակնիշի ավտոմեքենաները:
Ինչպես հայտնում է ֆոտոլրագրող Գագիկ Շամշյանը, վթարի հետևանքով Հ. Թումանյանի ուղևոր, Արագածոտնի մարզի բնակիչ, 8-ամյա Դանիել Ա.-ն բուժօգնություն ստանալու նպատակով տեղափոխվել է «Աշտարակ » բժշկական կենտրոն:
Օպերատիվորեն ժամանել են ճանապարհային ոստիկանության 2-րդ սպայական գումարտակի 2-րդ վաշտի 1-ին դասակի ծառայողները՝ վաշտի հրամանատար Վաչե Մալաքյանի, դասակի հրամանատար Հրանտ Գալստյանի գլխավորությամբ: Տեղում հետաքննական աշխատանքները ղեկավարել է նույն վաշտի ավագ հետաքննիչ Անուշավան Աղաջանյանը, ում կողմից փաստի առթիվ նյութեր են նախապատրաստվում:
Դեպքի վայր է ժամանել նաև ոստիկանության Աշտարակի բաժնի օպերատիվ խումբը՝ օրվա պատասխանատու հերթապահի գլխավորությամբ: