MediaArm.am Ժամանակակից աղջիկները ցանկանում են որքան հնարավոր է մեծ ու փարթամ շրթունքներ ունենալ։ Սակայն, ի՞նչ անել, եթե բնությունը նման շուրթեր չի շնորհել։ Այս դեպքում շատերը դիմում են պլաստիկ վիրաբույժների ու կոսմետոլոգների օգնությանը։
Tochka-ն գրում է, որ փարթամ շրթունքներ կարելի է ունենալ առանց վիրահատական կամ կոսմետոլոգիական միջամտությունների։ Դիմահարդար Հիլարի Կլայնը ներկայացրել է 10 խորհուրդ, որոնք կօգնեն վիզուալ մեծացնել ձեր շուրթերը։
1. Սկսեք բալզամից։ Այն քսեք մինչ շրթներկ քսելը։ Այս դեպքում շուրթերն ավելի փափուկ ու խոնավ կլինեն։ Ընտրեք այն բալզամը, որը ձեզ ավելի շատ է դուր գալիս ու համապատասխանում։ Այն օգտագործեք ոչ միայն որպես հիմք, այլև որպես պաշտպանիչ շերտ՝ հատկապես ձմռանը։
2. Զգույշ եղեք շուրթերի հետ։ Դրանց հետ նուրբ վարսեք, քանի որ կարող եք վնասել։ Շուրթերը մերսելու ու ինչ որ կոսմետոլոգիական միջոցներ քսելու լավագույն տարբերակն ատամի խոզանակ օգտագործելն է։ Խոզանակով շրջանային շարժումներով մերսեք շրթունքներն ու դրանք ավելի վառ գույնի կդառնան, քանի որ այս հնարքը թույլ է տալիս արագացնել արյան շրջանառությունը։
3. Հիմք օգտագործեք։ Դիմահարդարը խորհուրդ է տալիս մինչ շրթներկ քսելն օգտագործել հիմք՝ դա կարող է լինել ձեր տոնային կրեմը։ Այս դեպքում շրթներկն ավելի լավ կքսվի։
4. Օգտագործեք բրոնզատոր։ Դերասանուհի Կլարա Բոուն այնքան հայտնի չէ իր տաղանդի շնորհիվ, որքան իր ընդգծված շրթունքների։ Նա քթի տակի փոսիկները մի փոքր մգացնում էր, ինչի հետևանքով շուրթերն ավելի վառ էին երևում։ Դիմահարդարը խորհուրդ է տալիս դիմել նույն քայլին, եթե, իհարկե այդքան խիզախություն ունենաք։
5. Ընդգծեք շուրթերը։ Դիմահարդարների գլխավոր գաղտնիքը եզրագծող մատիտն է։ Այն պետք է օգտագործել մինչ շրթներկ քսելը։ Այն անպայման պետք է լինի շրթներկի գույնին ու չառանձնանա։ Մատիտը քսեք կենտրոնից դեպի ծայրեր։
6. Անցեք եզրերը։ Եվս մեկ գաղտնիք է եզրերից ճիշտ անցնելը։ Եզրագծող մատիտի օգնությամբ փորձեք 1-2մմ դուրս գալ շուրթների եզրերից։ Առաջին անգամից հնարավոր է, որ լավ չստացվի, սակայն մի փոքր մարզվեք ու սա ձեր սիրելի բյութի հնարքը կդառնա։
7. Ուշադրություն դարձրեք ստվերին։ Բրոնզատորի օգնությամբ կարող եք ներքևի շուրթը մի փոքր այլ երանգով ներկել, ինչի հետևանքով շրթունքներն ավելի մեծ կերևան։ Դա պետք է անել ներքևի շուրթի տակի հատվածում։
8. Մի անցեք մուգ հատվածը։ Դիմահարդարը խորհուրդ է տալիս խուսափել մուգ գույներից։ Նման գույները պարզապես մգացնում են ձեր շրթունքները և փոքրացնում են դրանք։ Բացի այդ, այժմ նորաձև են նյուդային, բնական գույները, այնպես որ նախապատվությունը հենց դրանց տվեք։
9. Փայլ ավելացրեք։ Ժամանակին շատ տարածված էին շուրթերի փայլերը։ Այժմ դրանք կորցրել են նախկին պահանջարկը, սակայն դիզայները խորհուրդ է տալիս շուրթերի մեջտեղի հատվածում փայլեր քսել, որպեսզի դրանք վիզուալ ավելի մեծ երևան։
10. Ընտրեք շոշափելի փայլերը։ Այո, դիմահարդարը խորհուրդ է տալիս հենց այսպիսի փայլեր օգտագործել։ Դրանք ոչ միայն մեծացնում են շուրթերը, այլև հաճելի է դառնում դրանց դիպչելը։
