Finmir marketplace-ի ֆինանսական փորձագետ Անտոն Կրավցովը «Իզվեստիայի» հետ զրույցում ասել է.
«Դոլարի և եվրոյի փոխարժեքը ռուբլու նկատմամբ 2022 թվականի դեկտեմբերին գերազանցում է բոլոր երևակայելի և աներևակայելի ռեկորդները։ Վերջին հինգ տարիների ընթացքում զույգերի առավելագույն անկայունությունը դեկտեմբերին կազմել է շուրջ 4 ռուբլի, չնայած դրան, այսօր մենք տեսնում ենք, որ ամերիկյան և եվրոպական արժույթները ազգային արժույթի նկատմամբ աճել են ավելի քան 10 ռուբլով»,- ասել է ռուս փորձագետը։
Նրա խոսքով, ներկայումս արտարժույթի շուկայում նկատվում է դոլարի և եվրոյի ուժեղ գերգնում (իրավիճակ, երբ արժույթը վաճառվում է չափազանց բարձր գնով.-Խմբ.)։ Բացի դրանից, մինչև դեկտեմբերի 25-ը ռուսական ընկերությունները պետք է վճարեն հարկային վճարումներ։ Այս գործոնները պետք է նպաստեն ռուբլու ամրապնդմանը, ընդգծել է Կրավցովը։
«Մյուս կողմից, շուկաները մեկ օրում չեն շրջվում, և կարող ես «փորձել քո բախտը»՝ գնալով «գնացք», կարող ես 3-4 ռուբլի վաստակել։ Բայց եթե այս հարցին ավելի հավասարակշռված և պահպանողական եք մոտենում, ապա ավելի լավ է սպասել մինչև ամսվա փակումը, իսկ հետո արժույթը գնելու որոշում կայացնել»,- ասել է նա։
Միևնույն ժամանակ, եթե տեղի ունենա որևէ իրադարձություն կամ նորություն հայտնվի, որը կառաջացնի արժույթների արժեքի կտրուկ աճ, և միևնույն ժամանակ կառաջանա շտապ պահանջարկ, «ապա անհրաժեշտ է փակել արժութային դիրքը, եթե այդպիսիք կան, և ոչ մի դեպքում չգնել»,- պարզաբանել է փորձագետը։
