Վաղը գազ չի լինելու այս հասցեներում

Պլանային աշխատանքներ («Երևան-Արմավիր» Dպ 500 մայրուղային գազատարի կապիտալ նորոգում) իրականացնելու նպատակով` մայիսի 15-ին ժամը 09:00-ից մինչև հունիսի 10-ը ժամը 18:00-ն, մայրուղային գազատարի 9,1 կմ (կմ 0÷9,1) հատվածից սնուցվող «Էտրո», «Հիպերնովա», «Սարանդ», «Խճաքար Մուսա» («Գաստոպ»), «Էս Կա Վի», «Ֆայերգազ», «Շահումյան գազ», «Արմ գազ», «Ֆրիվեյ Էքսպրես», «Արտ-Թամ», «Հովնան-Լիան» ՍՊԸ-ների և «Արտակ» ԱԿ-ի գազամատակարարումը կիրականացվի պահանջվող ռեժիմների խախտումով։

Տեխնիկական անհրաժեշտությունից ելնելով՝ մայիսի 7-ին և 8-ին նախատեսված պլանային աշխատանքները տեղափոխվել են և կիրականացվեն մայիսի 14-ին ժամը 09:00-ից մինչև մայիսի 15-ը ժամը 19:00-ն ժամանակահատվածում, ինչի պատճառով կդադարեցվի Արագածոտնի մարզի Արտաշավան, Սաղմոսավան, Ուշի, Կարբի, Օհանավան, Փարպի, Բազմաղբյուր, Ղազարավան, Բյուրական, Անտառուտ, Ագարակ, Կոշ, Ուջան, Աղձք, Ոսկեհատ բնակավայրերի և Աշտարակ քաղաքի Տանձանոց թաղամասի գազասպառողների և հարակից տարբեր նշանակության հանրային կազմակերպությունների գազամատակարարումը:

Պլանային աշխատանքներ իրականացնելու նպատակով՝ մայիսի 16-ին ժամը 13:00-ից մինչև ժամը 18:00-ն, կդադարեցվի Սյունիքի մարզի Կապան քաղաքի Շահումյան փողոցի թիվ 2, 6, 8, 10 բազմաբնակարան շենքերի, Երկաթուղայինների փողոցի թիվ 1, 1^ա, 3, 5, 6 բազմաբնակարան շենքերի գազասպառողների գազամատակարարումը։

Պլանային աշխատանքներ իրականացնելու նպատակով՝ մայիսի 16-ին ժամը 10:00-ից մինչև ժամը 18:00-ն, կդադարեցվի Արարատի մարզի Հայանիստ բնակավայրի գազասպառողների, հարակից տարբեր նշանակության հանրային կազմակերպությունների գազամատակարարումը։