Ռուսական բանակն այսօր վերսկսել է Ուկրաինայի տարածքի ինտենսիվ հրթիռակոծությունները։
Դնեպրում բազմահարկ շենքի հրթիռակոծության հետևանքով զոհվել է հինգ մարդ։ Այս մասին հայտնել է Դնեպրոպետրովսկի շրջանային վարչակազմի ղեկավար Վալենտին Ռեզնիչենկոն։
Հրթիռակոծության հետևանքով տուժել է 27 մարդ, այդ թվում՝ վեց երեխա։
«Ուկրաինական քաղաքների վրա այսօրվա հրթիռային հարձակումները ևս մեկ ապացույց են, որ Ռուսաստանը ահաբեկիչ է և տեղ չունի քաղաքակիրթ աշխարհում»,- ասել է Ուկրաինայի վարչապետ Դենիս Շմիգալը։
