Նոր Կյանք գյուղում վերջին հրաժեշտն են տալիս օգոստոսի 27 -ին ջրատար ընկնելու հետևանքով մահացած պատանիներին։
Հիշեցնենք, որ այդ օրը՝ ժամը 13:55-ի սահմաններում, Արարատի մարզի Նոր Կյանք բնակավայրի 15-ամյա բնակիչը, վարելով «Մերսեդես Բենց» մակնիշի ավտոմեքենան, Արարատի մարզի Վեդի համայնքի Նոր Ուղի բնակավայրում դուրս է եկել ճանապարհի երթևեկելի գոտուց և ընկել ջրատարը:
Դրա հետևանքով վարորդ պատանին, ինչպես նաև նրա 15 և 13-ամյա ուղևորները (երկուսն էլ՝ նույն բնակավայրից) մահացել են: