Այսօր՝ ապրիլի 22-ին, շղթայական ավտովթար է տեղի ունեցել Արարատի մարզում: Ժամը 08:40-ի սահմաններում Երևան-Երասխ ավտոճանապարհի Մասիս քաղաքի սկզբնամասում բախվել են «Toyota Corolla», «Hyundai Sonata» և 2 «ՎԱԶ 2106» մակնիշի ավտոմեքենաներ:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 6 հոգի մարմնական վնասվածքներով տեղափոխվել են Մասիսի և Երևանի տարբեր հիվանդանոցներ:
Պարեկների այսքան շատ ժամանման պատճառը կայանում է նրանում, քանի որ վթարից հետո, մինչ պարեկների ժամանումը, հետաքրքասեր վարորդները ավտոմեքենաները կայանել էին ու ստեղծել էին արհեստական խցանում, որը ձգվում էր մոտ 2 կմ, սակայն պարեկների ժամանումից րոպեներ անց երթևեկությունը կարգավորվեց:
Գ. Շամշյանի տեղեկություններով՝ վիրավորների մեջ կան հարկայինի և Ոստիկանության ակադեմիայի աշխատակիցներ:
Իսկ վիրավորներից 4-ը տեղափոխվել են շտապօգնության ավտոմեքենաներով, 2-ը քաղաքացիական:
