Այսօր՝ փետրվարի 17-ին, ավտովթար է տեղի ունեցել Սյունիքի մարզում։ Ժամը 02։20-ի սահմաններում Սյունիքի մարզի բնակիչ 25-ամյա Ալիկ Պ․-ն իր վարած VAZ 2106 մակնիշի ավտոմեքենայով Սյունիք բնակավայրի վարչական տարածքում դուրս է եկել երթևեկելի գոտուց դեպի աջ, բախվել էլեկտրասյանը և գլխիվայր շրջվել։
Ինչպես հայտնում է ֆոտոլրագրող Գագիկ Շամշյանը, վթարի հետևանքով Ալիկ Պ․-ն, նրա ուղևոր՝ Սյունիքի մարզի բանկիչ 36-ամյա Գառնիկ Գ․-ն մարմնական վնասվածքներով տեղափոխվել են «Կապան» բժշկական կենտրոն։
Օպերատիվորեն ժամանել են ՀՀ ներքին գործերի նախարարության Ոստիկանության Ճանապարհային ոստիկանության 2-րդ սպայական գումարտակի 6-րդ վաշտի 2-րդ դասակի ծառայողները՝ վաշտի հրամանատար Վաչե Ալավերդյանի, դասակի հրամանատար Արմեն Սարգսյանի գլխավորությամբ։
Վթարի փաստով քննչական բաժնում նախաձեռնվել է քրեական վարույթ։
Ֆոտոլրագրողը հայտնում է, որ բախման հետևանքով կոտրվել են նաև ճանապարհի կողքով ձգվող գազատար խողովակի երկաթե հենասյուները։
Գ․ Շամշյանի տեղեկություններով՝ վարորդը աշխատում է «Սմբատ Մարտիրոսյան» ՍՊԸ-ում որպես վաճառող, իսկ ուղևորը՝ «Նորոգշին» ՍՊԸ-ում որպես բանվոր։