Հոկտեմբերի 25-ին, ավտովթար է տեղի ունեցել Արարատի մարզում: Ժամը 13:15-ի սահմաններում Այգավան գյուղի Արարատյան փողոցում՝ «Վահագնի» խանութի դիմաց, բախվել են Արարատի մարզի բնակիչներ 38-ամյա Վարդան Ս.-ի վարած Opel մակնիշի, 29-ամյա Վահե Ա.-ի վարած ՎԱԶ-2106 մակնիշի և 37-ամյա Կարապետ Բ.-ին պատկանող Lexus մակնիշի ավտոմեքենաները:
Ինչպես հայտնում է ֆոտոլրագրող Գագիկ Շամշյանը, վթարի հետևանքով Վահե Ա.-ն և Վարդան Ս.-ն մարմնական վնասվածքներով տեղափոխվել են Վեդիի բժշկական կենտրոն:
Վիրավորներին առաջինը օգնության են հասել քաղաքացիները և օպերատիվորեն ժամանած Վեդիի բժշկական կենտրոնի շտապօգնության բժիշկների հերթապահ խումբը:
Օպերատիվորեն ժամանել են նաև ՀՀ ՆԳՆ Փրկարար ծառայության Վեդիի հրշեջ փրկարարական ջոկատից՝ 1 մարտական հաշվարկ:
Վթարի փաստով Վեդիի քննչական բաժնում նախաձեռնվել է վարույթ:
