Երեկ՝ մայիսի 11-ին, խոշոր ավտովթար է տեղի ունեցել Երևանում: Ժամը 21:50-ի սահմաններում Մյասնիկյան պողոտայում՝ թիվ 16/6 հասցեի դիմաց բախվել են «Tesla», «Mercedes», «Ford Fusion» և «Toyota Highlander» մակնիշի ավտոմեքենաները:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար տուժածներ չկան:
Հրշեջ-փրկարարները հոսանքազրկել են ավտոմեքենաները, փակել «Ford Fusion»-ի գազաբալոնի փականը, ավտոմեքենաները հեռացրել են վթարի վայրից, ապա կատարել ճանապարհի լվացման աշխատանքներ:
Այսքան շատ պարեկների ժամանման պատճառը նրանում է, քանի որ վթարի հետևանքով առաջացել էր մի քանի կիլոմետրանոց խցանում:
Գ. Շամշյանի տեղեկություններով՝ «Tesla»-ն վարել է Երևանի բնակիչ 30-ամյա Միլենա Սանամյանը, «Mercedes»-ը վարել է Շիրակի մարզի բնակիչ 27-ամյա Էդիկ Արիստակեսյանը, «Ford Fusion»-ը վարել է Երևանի բնակիչ 31-ամյա Կարո Նաղդալյանը, իսկ «Toyota Highlander»-ը վարել է Երևանի բնակիչ 28-ամյա Գուրգեն Սահակյանը:
Վարորդները ենթարկվել են սթափության փորձաքննության, եղել են սթափ:
