Բելառուսի նախագահ Ալեքսանդր Լուկաշենկոն հայտարարել է, որ Վլադիմիր Պուտինն է ընտրվելու 2024 թվականին Ռուսաստանի Դաշնությունում կայանալիք նախագահական ընտրություններում։
Այս մասին նա խոսել է ուկրաինացի լրագրող Դիանա Պանչենկոյի հետ հարցազրույցում, որի տեսաձայնագրությունը հրապարակվել է նրա YouTube–յան ալիքում։
Նրա խոսքով՝ Ռուսաստանում ընտրությունները տեղի կունենան վեց ամսից, և այս պահին Պուտինը մրցակիցներ չունի։
Լուկաշենկոն ընդգծել է, որ ՌԴ գործող նախագահն այսօր չի մտածում, թե ով կարող է զբաղեցնել իր պաշտոնը և շարունակել երկրի գոյության ներկայիս ուղին, քանի որ Պուտինն արդեն ունի բազմաթիվ խնդիրներ, որոնք պետք է լուծվեն։
