Ինչի՞ եք կռիվ անում, չեմ հասկանում, ասում եմ, որ եթե մեր ծրագրերը մինչև վեց ամիս են, ինչի՞ ենք գրել մինչև հինգ ամիս:
Այս մասին այսօր կառավարության հերթական նիստին ասաց ՀՀ վարչապետ Նիկոլ Փաշինյանը, երբ քննարկվում էր 2023 թվականին Լեռնային Ղարաբաղից բռնի տեղահանված անձանց մասնագիտական ուսուցման կազմակերպման և աշխատանքային փորձ ձեռք բերելու համար աջակցության տրամադրման ծրագիրը հաստատելու մասին որոշման նախագիծը:
Դիմելով Աշխատանքի և սոցիալական հարցերի նախարար ՆարեկՄկրտչյանին և Կրթության, գիտության, մշակույթի և սպորտի նախարար Ժաննա Անդրեասյանին՝ վարչապետ Նիկոլ Փաշինյանն ասաց. «Հիմա կամ տվեք բացատրություն, որ ես դադարեցնեմ այս քննարկումը, կամ ասեք՝ շատ լավ, կդարձնենք վեց ամիս:
Ես երկու նախարարներին հարց եմ տալիս և պատասխանի մեջ գտնում եմ մի ամսվա անհամապատասխանելիություն, հիմա կամ այդ մի ամսվա անհամապատասխանելիությունը բացատրեք՝ ես դադարեցնեմ, կամ էլ համապատասխանեցրեք ձեր պատասխաններն իրար: Դուք նույն երկրի երկու տարբեր նախարարություններ եք, չէ՚՞, տարբեր երկրներից չեք»:
Վարչապետը նշեց, որ երկու ամիս հետո չզեկուցվող հարցերի փաթեթում բերելու են որոշման նախագիծ և հինգ ամիսը փոխարինելու են վեց ամիս բառերով: Նախագիծը ընդունվեց վարչապետի առաջարկած փոփոխությամբ:
