Այսօր կառավարության հերթական նիստին ՀՀ վարչապետ Նիկոլ Փաշինյանը ՀՀ աշխատանքի և սոցիալական հարցերի նախարար Նարեկ Սարգսյանից հետաքրքրվեց կենսաթոշակառուների կողմից անկանխիկ առևտրի ցուցանիշների և 110 տոկոս հետվերադարձի համակարգից։
Նախարարը նշեց, որ անկանխիկ գործարքների շարունակական աճ կա։ «Հոկտեմբեր ամսվա տվյալներով, ունենք 30 տոկոս աճ։
Մեկ միլիարդ 837 միլիոն է կազմում ընդհանուր անկանխիկ գործարքների ծավալը»,– ասաց նա և նշեց, որ 10 հազարով ավելացել է շահառուների թիվը, և հոկտեմբեր ամսին 162 միլիոն վերադարձ են արել։
Վարչապետն ասաց, որ սա հաշվի առնելով՝ երկու անգամ են թոշակառուների թոշակը բարձրացնում։ «Այս տրամաբանությամբ ևս երկու անգամ կբարձրացնենք 2023 թվականին»,– ասաց նա։