Վանաձորի ԲԿ-ի ֆեյսբուքյան էջից տռղեկանում ենք, որ Վանաձորի բժշկական կենտրոնում 42-ամյա կինը 13 տարվա սպասումից հետո լույս աշխարհ է բերել զույգ բալիկների:
Տղային անվանակոչել են Հովհաննես սրբի անունով, դստեր անունը հայրիկի ընտրությունն է՝ Մոնիկա:
2300 գրամ քաշով ծնված փոքրիկների լույս աշխարհ գալուն օգնել են մանկաբարձագինեկոլոգիական բաժանմունքի վարիչ Արամ Ավալյանն ու մանկաբարձ-գինեկոլոգ Լիլիթ Պառավյանը:
Երեխաների առաջին բժիշկը մարզի գլխավոր նեոնատոլոգ Լիլիթ Կարաքեշիշյանն է:
Հղիության 9 ամիսները եւս հսկվել են բժշկական կենտրոնի հոգատար բժիշկների կողմից: Զույգ բալիկներ ունենալուն ծնողները թեպետ սպասել են երկար, սակայն, ինչպես մայրիկն է ասում՝ հավատացած են եղել, որ իրենք միանգամից զույգ երեխաների ծնող են դառնալու:
Փոքրիկները լույս աշխարհ են եկել կեսարյան հատման միջոցով. թե՛ բալիկների ու թե՛ մայրիկի վիճակը գնահատվում է բավարար:
Վանաձորի բժշկական կենտրոնի բուժանձնակազմը միանում է բոլոր շնորհավորանքներին ու կիսում ընտանիքի անսահման ուրախությունը:
