|
Մամուլի ազգային ակումբի նախագահ Նարինե Մկրտչյանը ֆեյսբուքյան իր էջում գրել է. «Երևանում երեկվա ուժգին քամին վերստին ի ցույց դրեց ցավալի իրողություններ, որ 1․ Երևանը վերածվել է կեղտոտ, փոշոտ, ծառազուրկ մայրաքաղաքի, 2․ նորակառույց անավարտ շենքերի սեփականատերերն իրենց նեղություն չեն տալիս շինարարական աղբը մաքրել շինարարության ընթացքում, հանգամանք, որ ավելացնում է քաղաքի կեղտն ու փոշին, 3․ նորկառույց շենքերի՝ ինկուբատորյան սկզբունքով բազմանալը դարձել է վտանգ թե՛ սեյսմակայունության, թ՛ե քաղաքաշինական չափանիշների պահպանման առումով և թե՛ թափ է հաղորդում քաղաքի բետոնապատման անկանգ այս ընթացքին, 4․ երկնքում մի քանի ժամ պար բռնած ցելոֆանե տոպրակների շքահանդեսը վկայում է, որ դրանց վաճառքի արգելքը չի գործում կամ առնվազն վաճառքի սահմանափակումներ չկան, 5․ Երևանի քաղաքապետի ընտրություններն էլ չեն փրկի Երևանը, քանի որ քաղաքային կառավարման, քաղաքային մշակույթի և կեցության մասին տարրական գիտելիքները պակասում են թե՛ իշխանությունների, թե՛ հանրության մեծ մասի մոտ»: |
