SHAMSHYAN.com-ը ներկայացնում է բացառիկ տեսանյութ, որը արձնագրվել է տեսախցիկի կողմից, թե ինչպես է սեպտեմբերի 18-ին Աբովյան-Երևան սահմանագծին ավազով բարձված КАМАЗ-ը, հավանաբար ավտոմեքենայի անսարքության պատճառով, հետընթաց բախվում բնակչի տան բետոնե սյուներին և կողաշրջվում։
Դեպքի փաստով Հայաստանի Քննչական կոմիտեի Կոտայքի մարզային քննչական վարչության Աբովյանի քննչական բաժնում նախաձեռնված քրեական վարույթի շրջանակում պարզվել է, որ КАМАЗ-ը վարել է Արագածոտնի մարզի բնակիչ, 29-ամյա Սասուն Ղ․-ն, ով մարմնական վնասվածքներով շտապօգնության ավտոմեքենայով տեղափոխվել է «Սուրբ Գրիգոր Լուսավորիչ» բժշկական կենտրոն։
Ինչպես ավելի վաղ դեպքի վայրից հայտնել է ֆոտոլրագրողը, ավազով բարձված КАМАЗ-ը Դուրյան 40 փողոցում բախվել է բետոնե սյուներին ու թիթեղյա պարսպին և կողաշրջվել։
Վթարի հետևանքով վարորդը մարմնական վնասվածքներով տեղափոխվել է «Սուրբ Գրիգոր Լուսավորիչ» բժշկական կենտրոն։
Օպերատիվորեն ժամանել են ՀՀ Ներքին գործերի նախարարության Փրկարար ծառայության հատուկ նշանակության փրկարարական աշխատանքների իրականացման կենտրոնի թիվ 17 փրկարարական ջոկատից 1 մարտական հաշվարկ՝ ջոկատի հրամանատար Վահե Պետրոսյանի գլխավորությամբ։
Փրկարարները հոսանքազրկել են ավտոմեքենան, դադարեցրել դիզվառելիքի արտահոսքը և տեղում իրականացնում են հերթապահություն։
Տեղում ուժեղացված ծառայության են անցել նույն վաշտի պարեկ Արմեն Վարդանյանը և Էդգար Սաֆարյանը, որպեսզի հետաքրքրասեր վարորդները ավըտոմեքենաները չկայանեն և խցանում տեղի չունենա, ինչը պարեկներին հաջողվել է։
Քննարկվում էր, թե վթարի փաստով Հայաստանի Քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժինն է զբաղվելու, թե Կոտայքի մարզային քննչական վարչության Աբովյանի քննչական բաժինը, որտեղ էլ պարզվելու է հիվանդանոց տեղափոխված վարորդի ինքնությունը։
Ֆոտոլրագրողը հայտնում է, որ նշված հատվածում հաճախակի են տեղի ունենում ավտովթարներ։
