Այսօր՝ փետրվարի 27-ին, արտակարգ դեպք է տեղի ունեցել Վայոց ձորի մարզում։
Ժամը 13։30-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Ագարակաձոր բնակավայրի հողամասերում խոտածածկ տարածք է այրվում։
Պարզվել է, որ հրդեհը բռնկվել է «Չիման» կոչվող տարածքում՝ ընդգրկելով մոտ 3000 քառակուսի մետր խոտածածկույթ։Կրակի տարածման դեմ հրշեջների հետ պայքարել են նաև պարեկներն ու մի քանի քաղաքացի և նրանց շնորհիվ բազմաթիվ պտղատու ծառեր են փրկվել, հակառակ դեպքում ամբողջը վերածվելու էր մոխրակույտի։
Դեպի վայր են ժամանել նաև ՀՀ ՆԳՆ ոստիկանության Վայոց ձորի մարզային վարչության պետ Տիգրան Կարապետյանն ու ոստիկանության Եղեգնաձորի բաժնի պետ Հրազդան Կոստանյանը։
Թե ինչն է եղել նշված հատվածում առաջացած կրակի պատճառը՝ պարզվում է։
Ըստ նախնական տեղեկությունների, բարեբախտաբար, տուժածներ չկան։
