Այսօր՝ մայիսի 19-ին, արտակարգ դեպք է տեղի ունեցել Երևանում։
Ժամը 01:30-ի սահմաններում Երևանի բնակիչ 50-ամյա Գագիկ Գ.-ն, իր վարած «Lexus» մակնիշի ավտոմեքենայով Հաղթանակ թաղամասի 5-րդ նրբանցքի խաչմերուկի մոտ բախվել է գազատար խողովակին, կոտրել այն, ինչի հետևանքով սկսվել է գազի արտահոսք։
Օպերատիվորեն ժամանել են նաև «Գազպրոմ Արմենիա Տրանս գազ» և Երևանի ԳԳՄ վթարավերականգնման ծառայության և Մալաթիա-Սեբաստիա Տարածքային արտադրաշահագործման ծառայության աշխատակիցները, ովքեր համատեղ ուժերով ժամերի ընթացքում, մինչև լուսաբաց աշխատանքների արդյունքում, վթարը վերականգնել են ու բնակիչները կանոնավոր ստանում են գազը։
Ըստ նախնական տեղեկությունների՝ վթարի հետևանքով, բարեբախտաբար, տուժածներ չկան, իսկ վթարի պատճառը եղել է մեկ այլ ավտոմեքենայի վարորդի կողմից Գ. Գաբրիելյանի համար վթարային իրավիճակ ստեղծելն ու դեպքի վայրից հեռանալը:
