Տավուշի մարզում՝ Ազատամուտ գյուղի մոտ, Աղստև գետից փրկարարները քիչ առաջ դուրս են բերել գետում խեղդված մեկ երիտասարդ տղամարդու մարմին, սակայն փրկարարները դեռ որոնում են երկրորդ քաղաքացուն։
Այս մասին NEWS.am-ի հետ զրույցում ասաց Ազատամուտ գյուղի վարչական ղեկավար Արտակ Չոբանյանը։ Նա նշեց, որ երիտասարդը, որի մարմինը փրկարարները դուրս են բերել գետից, մոտ 35 տարեկան է։ Ըստ նախնական տեղեկությունների՝ նա եւ մեկ այլ քաղաքացի գետն են ընկել մի քանի ժամ առաջ, նրանցից մեկը խեղդվելիս է եղել, երբ մյուսը փորձել է նրան փրկել ու նույնպես գետն է մտել։
